23
07.2021

【中文卷一】閱讀理解 (範文+文言文)

親子育兒(學習)  

中文閱讀卷一經常會被同學視為洪水猛獸,覺得難以處理,原因有以下幾款:

  • 睇唔明中文閱讀材料,唔明白作者到底寫緊咩

  • 唔識唔同題目嘅答題框架,寫咗一大段,但都拎唔到分

  • 唔識十二篇範文嘅溫習技巧,然後甲部分數已經比其他同學拉開咗好大距離

  • 覺得中文閱讀理解卷題目太多,唔可以喺限時之內完成

  • DSE 文言文部分睇唔明,唔識解題

解答呢啲問題之前,同學仔需先知道 DSE 中文卷一嘅考試模式同得分趨勢。今次就等 AfterSchool 同大家全面拆解中文卷一嘅升 level 關鍵,就住 DSE 中文範文DSE 中文卷一常見題型比啲溫書指引大家,重會分享操練 DSE中文卷一 Past Paper 嘅星級技巧。希望可以助大家攻破中文閱讀卷,向5**之途邁前一步!

 

DSE 中文卷一到底考啲咩?

考試時間、形式、評分標準

喺公開考試入面,DSE 中文卷一所佔嘅比例高達 24%,同卷二寫作所佔比例持平。DSE中文卷一嘅考試時間係一個半鐘,考試以筆試形式進行,學生需要作答全部試題。

根據考評局,DSE 中文卷一形式上分為甲、乙兩部分,甲部考核指定嘅十二篇範文,佔全卷百分之三十;乙部選取一至兩篇課外白話文篇章以及一篇 DSE 文言文篇章設題,佔全卷百分之七十。

設題方式包括問答、選擇、填表、填充等。

中文閱讀理解嘅評分標準,即評估學生喺理解、分析、感受、鑑賞、運用唔同策略等能力嘅高低。

具體啲嚟講,DSE中文卷一考嘅就係同學嘅答題技巧、對文本嘅深層次理解,以及中文基礎概念喺閲讀材料中嘅運用,例如寫作手法以及修辭手法等。

 

DSE 中文卷一 cut off

等級

2019/88 (%)

2018/100 (%)

2017/90 (%)

2016/84 (%)

2015/86 (%)

2014/86 (%)

2013/92 (%)

5**

59 (67)

71 (71)

57 (63)

51 (61)

50 (58)

49 (57)

52 (57)

5*

55 (63)

67 (67)

52 (58)

48 (57)

47 (55)

46 (54)

47 (51)

5

52 (59)

63 (63)

49 (54)

47 (56)

45 (52)

44 (51)

44 (48)

4

46 (52)

56 (56)

43 (48)

40 (48)

38 (44)

37 (43)

38 (41)

3

40 (46)

50 (50)

38 (42)

36 (43)

33 (38)

32 (37)

32 (35)

2

33 (38)

47 (47)

31 (34)

29 (35)

27 (31)

25 (29)

25 (27)

以上數據可以睇到,近年加入十二篇範文嘅考核後,DSE 中文卷一高分段嘅 cut off 有明顯上升。

當中原因就係,高分段嘅同學仔對於十二篇範文掌握程度較高,喺甲部獲取嘅分數亦相對較高,所以整體DSE中文卷一嘅高分段 cut off 提升咗。

去到呢度,相信大家都明白熟習十二篇範文係同學向高分段衝刺嘅必經之路。

     

十二篇範文溫習重點

背誦原文嘅重要性

好多同學仔都會問,係唔係必須背誦原文?答案係肯定嘅,但係同學需要有技巧咁背,因為需要同學引錄原文嘅題目唔多,如果你自問十二篇範文嘅內容思想,手法運用等都未掌握好,就唔好將時間全部傾注喺背文句上面啦!

同學可以首先背誦同文章要旨,論點有直接關連嘅文句先,詩詞六首亦都建議同學可以悉數背誦。

 

文章結構、文章主要內容

呢一部分係考評局出 12 篇範文問答嘅主要來源,同學必須清楚記得每一篇文章嘅結構,以及文章每一部分嘅主要內容。而家就教大家疏理文章結構同主要內容。

同學可以將呢12篇範文分為議論文,抒情文,敘事描寫文三類。

剩低嘅詩詞類十二篇範文,承接上文所講背誦原文嘅重要性,詩詞更加係必須背誦,要清楚每一個句子嘅意思,謹記作者透過詩詞表達嘅感情。

 

課文問答

到咗做題階段,就要記住唔同題型或提問詞所需要嘅答題框架。例如問論證手法嘅題目,答題框架一般係「論證手法名稱+文中內容如何運用該論證手法+突出論點」。大家要清楚了解該論證手法嘅定義,然後將該論證手法相關嘅文章內容,嵌入答題框架。

所以喺呢部分,了解唔同寫作手法以及修辭手法嘅基本定義,係解決課文問答嘅關鍵,係拯救仲攬住一大疊 notes 死記硬背嘅同學嘅救命稻草。因為,當你完全明白答題框架,又完全掌握文章嘅內容,你就可以唔需要強行背誦,都可以寫出滿分答案。

 

唔同十二篇範文之間嘅比較中文閱讀理解

呢一部分相對進階,考驗嘅係同學仔融會貫通嘅能力。但一般考核嘅重點都係每篇文章最重要嘅部分,例如主旨、中心論點,以及抒發感情之間嘅相似性。同學需要完全掌握每篇文章嘅中心思想、表達嘅感情,先可以順利完成呢類問答。

其實,DSE 中文範文真係一個準備充足就可以輕鬆搶分嘅環節,最重要嘅係多呢幾分就已經攞到 Level 5 以上嘅入場券!

     

DSE 中文 reading 常見題型

分段+內容大意

呢種係分數最多,但同學最無信心完成嘅題目。每年同學從中得到嘅分數都會偏低。

原因有兩個:

  1. 唔識分段嘅技巧,唔識分析文章段落間嘅聯繫,導致分段部分已經炒咗車。

  2. 唔識概括文章內容,搵唔到每一個層次嘅敘事脈絡,甚至唔知道段意嘅範式。

畀同學嘅建議:

分段方面,要先學識喺每一段入面搵關鍵字,可能係嗰一段出現嘅人物,亦可以係嗰一段嘅論述對象,然後再睇返下一段有無類似嘅關鍵字。

其次,如果係敘事性文章,可以根據事情發展嘅起承轉合嚟分開唔同部分;又可以根據時間、地點、主要人物嘅轉變嚟分開唔同嘅部分。

再者,如果係議論文,就根據唔同嘅分論點嚟將文章分開唔同部分。

內容大意方面,要記住一點:記住唔同文體嘅內容大意格式係唔一樣嘅。但一般 DSE 中文卷一會喺表格部分提供一個例子,所以同學緊記要跟返佢所畀例子嘅格式寫,唔好自由發揮。

其次,要識得揾中心句,如果某一段冇一個清晰嘅中心句,就可以透過人物、時間、地點呢啲敘事要素去搵返嗰個層次嘅主線出嚟。

 

思維進階題

綜合全文題目:

呢類問答一般會問文章嘅主旨,例如全文所抒發嘅感情、貫穿全文線索嘅象徵意義等。呢類題目分數一般較高,需要同學寫嘅要點亦相對較多。

同學首先要搵返題目入面嘅關鍵詞,例如文章嘅線索又或者一啲同感情表達相關嘅字眼,然後喺閲讀材料度搵返有出現相關字眼嘅段落,再從中篩選同題目有關嘅內容,咁樣就可以避免因爲睇漏咗相關內容而錯過要點。

     

DSE 常考修辭手法定義及作用

頭先係咁強調要了解唔同手法嘅定義,以下就附上 DSE 常考嘅修辭手法定義同作用畀大家參考啦!

修辭手法

定義

常見作用

比喻

根據事物的相似之處,把某一件事物比作另一事物。

把抽象的事物具體化,將深奧的道理變得淺白。

比擬

分為擬人以及擬物。擬人:把物件當作人來寫,賦予人的思想、性格和行為特徵。擬物:把人當作物件/動物來寫,或把某物件當作另一物件來寫,賦予另一物件的特徵。

移情於物,可使描繪的物件「人格化」,形象更生動。啟發想像,使文章更活潑有趣。

排比

把三句或以上結構相同,意思相見、字數相若的句子,排列在一起。

形成節奏感,增強氣勢。強調內容,以表達強烈的感情。

襯托

以相似或相反的事物襯出本體。正襯:以特點相似的事物襯托本體。反襯:以特點相反的事物襯托本體。

突出本體,使描繪的事物形象更鮮明。

反語

字面上的意思故意與實際表達的意思相反。

吸引讀者注意力,製造幽默效果。揭露弊端,製造諷刺效果,表達強烈不滿或憤慨之情。

     

DSE 中文 Paper 1 考試時間分配

甲部指定文言篇章

15-20 分鐘

乙部白話文

50 分鐘

乙部 DSE 文言文

<20 分鐘

 

甲部:十二篇範文

千祈唔好喺呢度浪費太多時間,答案要簡而精,直中問題中心,唔好同題目糾纏。呢一部分最理想係用15分鐘完成,20分鐘係極限,你要留返足夠嘅時間畀往後嘅白話文重有 DSE 文言文

 

乙部:白話文以及 DSE 文言文

建議同學做咗 DSE 文言文部分先,其實 DSE 文言文嘅題目類型比較淺白直接,好多都只係要求同學喺原文句子中搵答案,然後再將佢譯成白話作答。DSE 文言文呢一部分最多可以用20分鐘完成。

剩餘嘅 50 分鐘全部用喺白話文,因為白話文嘅題目篇幅以及閱讀理解材料都相對較長,需要更多時間去完成。

DSE 中文卷一嘅比重,注定佢對中文科總體成績嘅關鍵性作用。但同學千祈唔好畀佢嚇窒,因為比起寫作、說話,中文閱讀理解已經算係可以喺短期內透過技巧同操練提升成績嘅考卷。

今日呢篇文,希望可以幫助同學理解十二篇範文、乙部題型嘅出題思路同準備方法!

P.S. 2020 - 2021 DSE 中文科嘅時間可能因為疫情而出現改動,大家到時一定要睇清楚啊!!!!

 

發表於2021.7.23
留言(0)
博客名稱 :
AfterSchool
網誌名稱:
afterschool's blog
使用天數:626
年齡:0
電郵:hello@afterschool.com.hk
按月份瀏覽
    2021
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
    2020
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 飲食烹飪
  • 親子育兒
  • 生活品味
  • 其他
自行分類
最新留言